ကူဘိုတာမြန်မာ ကုမ္ပဏီလီမိတက်

Kubota Myanmar ၏ နှစ်စဥ်အရောင်းကိုယ်စားလှယ်များတွေ့ဆုံဆွေးနွေးပွဲနှင့် ညစာစားပွဲ

၂၀၂၅ သတင်းများ

ဖေဖော်ဝါရီလ ၂၁ ၊ ၂၀၂၅

မျှဝေရန်

၂၀၂၅ ခုနှစ် ဖေဖော်ဝါရီလ ၂၁ ရက်နေ့တွင် ကူဘိုတာမြန်မာကုမ္ပဏီလီမိတက်၏ နှစ်စဥ်ကျင်းပသော အရောင်းကိုယ်စားလှယ်များတွေ့ဆုံဆွေးနွေးပွဲအခမ်းအနားကို ရန်ကုန်မြို့ ဆီဒိုးနားဟိုတယ်တွင် ကျင်းပပြုလုပ်ခဲ့ရာ အနယ်နယ်အရပ်ရပ်မှ ကူဘိုတာမြန်မာ၏ အရောင်းကိုယ်စားလှယ်များတက်ရောက်ခဲ့ကြပါသည်။

ထိုအစည်းအဝေးပွဲတွင် ကူဘိုတာမြန်မာ၏ တာဝန်ရှိသူ မန်နေးဂျင်းဒါရိုက်တာ “Mr Kunitomo Sato” မှ အမှာစကားပြောကြားခဲ့ပြီး အရောင်းကိုယ်စားလှယ်ကြီးများအား သက်ဆိုင်ရာဌာနအသီးသီးမှ ကူဘိုတာစက်ပစ္စည်းများနှင့် ပါတ်သက်သည့် အကြောင်းအရာများကို ဆွေးနွေးမှုပြုလုပ်ကာ ကူဘိုတာ၏ထုတ်ကုန်အသစ်ကိုလည်း အရောင်းကိုယ်စားလှယ်များထံ မိတ်ဆက်ခဲ့ပါသည်။

အနယ်နယ်အရပ်ရပ်မှ ကူဘိုတာမြန်မာ၏ အရောင်းကိုယ်စားလှယ်ကြီးများမှလည်း ကုမ္ပဏီ၏ ရှေ့ဆက်သွားမည့်လုပ်ငန်းစဥ်များ၊ထုတ်ကုန်များ၏ အာမခံများနှင့် ပိုမိုကောင်းမွန်သောဝန်ဆောင်မှုများ ပေးနိုင်ရန်အတွက် ကူဘိုတာမြန်မာ၏ သက်ဆိုင်ရာဌာနအသီးသီးမှ မန်နေဂျာများ၊ ဝန်ထမ်းများနှင့် ဆွေးနွေးတင်ပြမှုများ ပြုလုပ်ခဲ့ပါသည်။

“Dealer Meeting” အခမ်းအနားကို မနက် (၈)နာရီမှ နေ့လည်(၃)နာရီအထိ ကျင်းပပြုလုပ်ခဲ့ပြီး တက်ရောက်လာကြသော ဧည့်သည်‌တော်များအား မနက်စာနှင့် နေ့လည်စာများတည်ခင်း ဧည့်ခံခဲ့ပါသည်။

ထို့နောက် ကူဘိုတာမြန်မာ၏ အရောင်းကိုယ်စားလှယ်ကြီးများနှင့်အတူ ညစာစားပွဲအခမ်းအနားကို ဖျော်ဖြေရေးအစီအစဥ်များနှင့် ခမ်းအနားသိုက်မြိုက်စွာ ကျင်းပခဲ့ပါသည်။ ယခုလို ကူဘိုတာမြန်မာ၏ နှစ်စဥ်ကျင်းပသော “Dealer Meeting” အခမ်းအနားကို တက်ရောက်ခဲ့ကြသည့် အနယ်နယ်အရပ်ရပ်မှ အရောင်းကိုယ်စားလှယ်တော်ကြီးများအား ကူဘိုတာမြန်မာမှ အထူးပင်ကျေးဇူးတင်ရှိပါကြောင်း ပြောကြားလိုပါသည်။...